فرید بھنڈار

ہُن نِکل باہر پئیاں ہسدیاں نیں

بلائِیں دُھوں پلیاں،

نچ پِھپھریاں وِچ وِس رچدیاں جیہڑیاں آئیاں نیں

مُدتاں دِیاں،

وٹ گھیس گئیاں نیں دھوئیں دھار تقریراں

کاراں والیاں دیاں

گھڑوالاں 1، نویں چھتیاں بزاراں 2 والیاں دیاں

آہے لاہے دے لاہ

گُھٹ دِتا اے ساہ جیہناں جِندڑی چندری دا،

چابی کول نہیں

پتہ نہیں نیں لگدا پیا کیہ کرنا اے

اندر وڑدیاں باہروں لائی ان دِسنی ایس جندری دا

1- گھڑوال= گھاڑ وان، اِنڈسٹرئیلسٹ-

2- نویں چھتے بزار= مالاں، اِکو وڈے اندر وِچ ہٹیاں دی لڑی-