اسیں سڑک پار پئے کردے ساں
اوہ بَھجدا بَھجدا آیا
کَرڑ بَرڑ اوہدی داڑھی سی تے سر تے رومی ٹوپی
ہتھ وِچ سوٹی کالی ٹائی تے نِکّر پاٹی ہوئی سی
گھڑی دی گھڑی اوہ بُھنجے بیٹھا کولے نال کُجھ لکھیا
بتی ہری ہوئی تے کولا بُھنجے مار کے ٹُر گیا
اکھے حقّی گل سُنا چلیا جے مُکدی اَج مُکا چلیا جے
پڑھو تے جھکھڑ بن کے زِمیں تے جُھلّو
پھیر بُلّا ہو کے جا لگّو اَسمانی
دسخط جیہے کُجھ کِیتے ہوئے سن
پڑھے نہیں سن جاندے