پسرن باہِیں تے سُنگڑن لتّاں
پسرن لتّاں تے سُنگڑن باہِیں
آکھی پُرانی آہی سیانیاں ماواں دی،
ویکھو نا، راہی پاہی تھئے جیہڑے
لتّاں پسردیاں اوہناں دِیاں گئیاں
نِت سُنگڑدِیاں باہِیں دھگان نُوں ٹھلّن جوگ نہ رہیاں،
چار پیر نہیں پَٹدے جیہڑے
کارِیں رِڑھدے یا جہازیں گِڑدے نیں
لمیاں باہِیں گھر بیٹھیاں دِیاں
سَینتر نال ای ٹوہ کھوہ لیندِیاں نیں کیتی کَتری،
کرنہاریاں ہتھاں اُتے
بھرم دی نقدی دھر کے کرم کمائی آؤندیاں نیں،
لتّاں بانہاں کرنہارِیاں سُنو کیہ پئیاں آہندیاں نیں:
پسر سُنگڑن سُنگڑ پسرن نہیں اساڈے وارے
نہیں کِیتے جو کر دینے نیں
اوہ اساں ہُن کارے