راجکار1 مَل وان
دڑ وٹ بہنیاں نُوں تے
پوا اچکناں سُوٹ تے ٹائیاں رنگ رنگ بنھوا کے
کُرسیاں اپنیاں اُتے بہا کے
جیہڑی خلق نال کرنی نیں
اوہ اوہناں کنوں کرواندے نیں،
بولن چالن والیاں نُوں اوہ
کُرسیاں خاص بنوائیاں گُجھیاں 2 گوڈیاں والیاں
اُتے بہاؤندے نیں
ذرا جیہا جدوں اوہناں وِچ کوئی اَیر ورودھی3 تاڑن
لَت ہلُون کے4 کُرسی دی
اوہنوں بُھنجے سٹا دیندے نیں
مُڑ تھاپڑ سِر تے ہتھ پھیر اوس جی نُوں
موڈھے چونویں اُتے بہال
1- راجکار: حاکم- 2- گُجھیاں: جو ظاہر نہیں کیتیاں جاندیاں -
3- ورودھی: مخالف- 4- ہلُون کے: ہلا کے-
سَیلاں 1 کرویندے نیں
ذرا جیہی کُسک2 دا رنگ
اوہدی اکھیں جے کر بھال گِھنن
اوسے ویلے
بھنوا مار کے
مُونہہ متھا اوہدا بھنا دیندے نیں،
مُڑ لا کے چُونا کتھا
وِچ وٹہ سپاری کر کے دھرا دیندے نیں
- سَیلاں: سَیراں– 2- کُسک: بولن، گل آکھن (رعب داب وِچوں نِکل کے گل کرن)-