دِیما قدِیما جوڑک1
ٹیوب وَیل گرائیں چلیندا
آ شہر ہُن کم تے وَیندا
دِیما جھٹکے گھڑی گھڑی
ایہہ گل چِچڑی لہے نہ چمبڑی
گاون جیہا بنا اوہ گائے
”دو ارباں دو کھرباں دو دو نِیل پدم دو سنکھاں
ہک ہوواں تاں کچا سکھنا
دے چھوڑیسن اگلے ڈھکنا
گل دو ہوواں تے میز تے آواں
جیہڑا آوے آکھے میں کھاواں”
جُل مِیئیں ہوراں نوں پُچھ نا مَسلہ
اوہ داڑھی سواہری کر مُسکائے:
”میاں ہِک رکعت نماز نہیں ہوندی“
صدقے میاں جی
”ہِک ہوون ہا اصل بھلیکھا
ہو دِیمیئا دو تاں لَیسیں لیکھا“
دِیما گاوندا کم تے آئے
-1 جوڑک= شاعر-