فرید بھنڈار

اُنگل اُپر ول کر دسیندے آئے نیں سیانے

رب دا گھر اسمانیں

لبھنائے اوہنوں تے چڑھو اُتانہیں،

دسنا تے ایہہ ہوندا اے اوہناں

جو اسیں وی اُپروں ای آئے آں،

ایہہ نہیں مندے سیانے

جو رب تے سبھ ہے

ایہہ منن تے ہر دا ہر نال

ساواں1 ہوون وی مننا پَوندا اے

اوہ من لین تاں سرل2 ایانے نمانے تھیون،

تت اپنا اُدھیڑی آئے نیں جیہڑا

میں دے شاہِینِیں3 پنجے نال

اِک ہو خلق نال اوہنوں سِیون

1- ساواں: برابر، اِکو جیہا- 2- سرل: سادا- 3- شاہِینِیں: عقاب دے-