''تکّو ایہناں کُوں 1
جوانی کھٹن گئے
گہنے پائی2 نیں ویہل3،
بُڈھا وارا4 کُما
گھر پرت آئے''
''تُساں نہیں ساکُوں سیاتا،
مشاہُوری دے ڈگے مار5
ہفت افلاکِیں 6 چاڑھ بہایو نیں ساکُوں
ایہناں سیال اُنھال نِہالاں،
سہتلی
بیلن ساڈی جمن لاء دی
لُکدی باہوڑی7،
اچیتی تھی ساہویں گُھنڈ لاہئیوس،
اکھیاں ہوئیاں چار
تاں کِھڑی کِلی،
اسیں پلو پل ڈھل امبراں 8 توں
دھرت آئے''
''واہ جی واہ
آؤ نا گلکڑی تانیئے
مانیئے رل چڑھدی جوانی،
اِکدوجے دِیاں بانہیں کُوں
آپنیاں کر سِیانیئے''
- کُوں: نُوں – 2- گہنے پاون: اُدھار رقم لینلئی کوئی رکھواون- 3- ویہل: فُرصت- 4- بُڈھا وارا: بُڑھاپا- 5- ڈَگے مارن: ڈھول وجاون- 6- ہفت افلاکِیں: ستویں اسمان تے- 7- باہوڑی: اپڑی، پونہچی- 8- امبر: اسمان-