فرید بھنڈار

کرنی لُٹن

تُرک مُغل آئے،

لُٹ کے کیتی ہتھاں اِتھاویاں دی

محل پوائے

قلعے اُسارے

تاج محلاں وِچ آپے اپنے سجوائے،

کرنی لُٹن باہوڑے وت انگریز

لُٹ سہیڑ دیس اپنے وِچ

کارخانے لائے،

لُٹ ہر راج دا ٹِیچا ہے

پر خلق چ پُھٹ پوائیوں بِنا

لُٹ راج دا داج بناوندی نہیں،

حاکمی ان ویاہی رنڈی1 ہو

1- رنڈی: بیوہ، وِدھوا-

اٹھراہ1 کمائی آوندی اے

موئے جم جم

تختاں اُتے بہائی آوندی اے

1 -اٹھراہ: اٹھراء: اِک روگ جیہدے وِچ بچہ کمزور جمدا اے تے جمدا ای مر جاندا اے-