جِنّا پھَل پَلدائے
ٹاہنِیاں اونا ای لِفدیاں نیں،
ماواں آل اولادِیں جِیکُوں،
لگیاں پھَلاں دا لاگ ٹاہنِیاں نال اوہا ای ہوندا اے
جیہڑا بالڑیاں دا ماواں نال،
ٹاہنِیوں لہہ جاں بندیاں دے ہتھ پھل آوندے نیں
رس اوہناں دا
مُونہاں دی چَس توں لہہ ڈِھڈاں وِچ ڈھل جاندا اے،
تن اوہناں دے کُوڑے داناں وِچ سَٹِیج ویندے نیں،
ٹاہنِیوں لاہ پھَل ہٹِیاں چھابیاں وِچ دھرائے جاندے نیں جاں
تاں لاہے دے ٹاہن لگِیج ویندے نیں اوہ
بھار اوہناں دے نال جیہڑا لِفدا نہیں سگوں آکڑدا اے،
سار نہیں ہوندی اوہنوں
جو آکڑ نال ای تِڑک وی اوہنے جانا اے