سڑکوں پار
نالدے گھر دے ساہمنے
دھو دُھپ کندھ نال رکھے فوم دے گَدّے کول
بیٹھی اے بِلی بدامی
جِبھ نال تَھلا بگا سواردی
ہریاں اکھیں چاء آئے گئے ول جھات ماردی
”دسو، ایہناں بھانے ایہہ گَدّا تے میں دوئے ہاں اِکو گھر دے
ایہہ ہویا اِک گھر والی دا
میں ہاں ست گھر اِک کرنی
ول کیوں بیٹھی ایں نال ایہدے
سانجھ اساڈی دُھپ دی لوڑ اے؟
ایہدی لوڑ تے اوہدی اے ہے جیہدا ایہہ دھریا
میری آپنی ہوئی
ایہدی جاندی گِل چوں واس اوہدے راتے تن دی ضرور پئی آوندی اے“
جیہڑی سوختے ڈاہوندی اے دُدھ پیالی میرے اگے
توڑے میرے اندر تے واس راتڑی
دُھپ ای پئی جگاوندی اے