مینہہ ورھدا تے اسیں گلیاں اندر ننگم ننگے پِھردے
کدیں جے اِک واری پَوڑِیاں ڈھلدے
ویہنی دے وِچ بیڑے پا کے جد دِل کردا ٹِھلدے
کدیں جے اِک واری پوڑیاں ڈھلدے
پوڑِیاں نیں کہ مائیاں دائیاں کچھڑوں کیہڑا لہے
اسیں نیویں کوٹھے وَل جھاتی مارن اُچے کوٹھے گئے دوپہریں
مُشک دِی کُنڈی ناساں وِنھیاں
ُلک ُلک ہتھ بھر لئے
''وڈے شان ہنڈھاوے خیریں
رَبّ لمیاں عمراں دئے''
''چرناں ہیٹھاں وگدی گنگا لوکیں نہاون پئے''
اُچّے کوٹھیوں اُلّر اُلّر پیاں سڑن پَیراں دِیاں تلیاں
میرے ماہی میں کد دِی کھلِیاں