بَنے بَنے میں ٹُریا جاواں
گھونی مگر و مگری آوے
گھونی باراں ورھیاں دی اے
ساڈے گھر کم کردی اے
ساہو ساہ اگوں بال اِک آیائے
''اگے پانی جے''
''ہتھ وِچ کیہ او''
''مچھی''
''پانی وِچ ایہنوں چھوڑ دے جیویں
مَر ویسی''
''چھوڑن لئی کوئی پھڑدائے،
اساں تے کھانی اے''
کُوک رہاں میں ''گل سُن گل سُن''
تِلکدی مگروں آہندی اے ''شاہ جی جان دیو
ترے سو دی جیہڑی کِلو لُہارِیوں روز منگا کے کھاندے او
اوہ وی تے کِسے پھڑ کے ای ویچی ہوندی اے''-