فرید بھنڈار

‘‘بھائی صاحب ہم گُم گئے معاف کیجے

گاڑی پارک کری گیٹ بُھول گئے’’

بی بی پُچھیا اے، صاحب چُپ کھڑائے

چُپ کھڑی اے نال کُڑی پڑھی لِکھی

‘‘دو گیٹ جے’’ دسیائے میں

‘‘اِک اوہ پِچھے’’

‘‘نہیں وہ نہیں بھائی صاحب’’

‘‘دُوجا، جاؤ ایتھوں سِدھے اوس سڑکے

سجّے ہتھ گراونڈاں نیں دو اگے

پار گیٹ ہے سجے جیل روڈ والا’’

‘‘جی وہی شکریہ’’

چکّر لا میں بنچ تے لِکھن بیٹھاں

ایہو جانے میں دسنا بُھل گیاں

تیجا گیٹ جیہدے نال پارکنگ اے جی او آر والا

جانُو بن اسیں خبرے راہے کُراہے نیں کئیں پائے

جیہڑے گئے

‘‘بَھلی کیتی جے’’ آکھن نہ بَوہڑ آئے

لِکھدا ویکھناں ساہمنے

اوہا ماں پیو دِھی

مینوں تکیو نیں لنگھ کولوں دی گئے

گڈی ہے جِتھے لگدائے ویکھ آئے نیں