فرید بھنڈار

اندر دی سَک1 ہی باہر دا سَک2 ہے،

اَس بِرچھاں وِچ

چِھل سار دی وِرل نہ کائی

نہ نَر نار دا بھیت،

جاپے بھیت جو

اوہ تاں بِھت3 ہے

بِھت ہی ہے چِت چیت،

کشٹ کاٹھ ہاں

ترِکھ اساڈی ماٹھ4

جُھر پُنگرن ہے چِھک سدِیویں،

اگن5

مِل جَگن دی سِک ہے،

اَس بِرچھاں وِچ سدا دُواٹھ6 اِکائی

1- سَک= سَکت، وِت، طاقت، انرجی، ستیا-2- سَک= چِھل، کَھل-3- بِھت= بُوہے دا اِک حصہ، دوئے بِھت مِلن تاں بُوہا وجدا اے-4- ماٹھ= 1) نرمی، ٹھہراء، 2) پدّھر، سواہر-

5- اگن= اگ، بھا-6- دُواٹھ= دوباجر، وٹا سٹا، آہی ناہی، نفی اثبات، ڈایالیکٹِکس، جُگر-