فرید بھنڈار

''گھنا اُداسیا رہنا ایں اجکل کیہ گل اے''

''کیہ دسیئے یار''

''پھیر وی''

''ککھ نہیں رہیا ہُن ساڈا''

''کیوں؟''

''بھانڈے بھج گئے نیں''

''کیہڑے؟''

''بھوئیں والا تے سُنن گِنن والا، دوئے،

بھوئیں تے جیہڑی آہی اساں اوہ ویچ چھڈی

ایتھے آ کے جو جُڑیا ہا ماڑے موٹے کار وپار تے لا دِتا،

ہُن سُننوں گِننوں وی رہ گئے آں

اوہ بھانڈا وی چُور ہویا،

کوئی سواد نہیں جیون دا ہُن

لوتھ ای سمجھو ٹُردی پِھردی پئی اے،''

''بھانڈا دُوا چَودھری

ویکھن سُنن تے ٹوہن چکھن سُنگھن والا

بھجدا تے کدے وی نہیں

ہاں گِنت مِنت والی تول ایہدے وِچ جے دھرِیجے

تاں ورانا ہو تریڑیا جاندا اے''

''مُرَمَت''

''کوئی نہیں''

''کیہ کرے مُڑ بندا''

''رلے بندے نال،

رل کے بھانڈا سانجھا گھڑے

وت پل پل اوہنوں نواں کرے''