فرید بھنڈار

مساں اساں اِتھ1 اپڑے2 آں سائیں

اُتوں مِلیا اے تُہاڈا ڈراوا:

’ایہہ آوا نہیں ہُن

اِتھاں اِٹاں ناہیں بندیاں

ایہہ اِک تاریخی مقام اے

ایہدی حفاظت ساڈی ڈِیوٹی اے

تُہانُوں تے ایہدے ناں دا وی

پتہ ناہِیں،

ایہہ جوالا مُکھی3 اے

ایہہ اِک دم پُھٹ سکدا اے

نِکلسی وِچوں اتھرا4 لاوا5

ساڑ سواہ کر دیسی

آسے پاسے

جو وی ہویا ساوا‘1

• اِتھ: ایتھے- 2- اپڑے: پَوہنچے- 3- جوالا مُکھی: اوہ پہاڑ جیہڑااگ اُگلے، آتش فشاں پہاڑ، اگن پربت- جوالا مُکھی: وَولکینو (Volcano)- جوال: 1) اگ دی لاٹ، شعلہ، 2) عشق دا سیک، 3) جوالا دیوی، 4) جیوندا رکھنہار- 4- اتھرا: انموڑ، کالھا، مُونہہ زور، ضِدّی- 5- لاوا: 1) واڈھی کرنہار پورھیت، 2) اگ پہاڑوں نِکلیا مادا- لاوا: مچھی پھساون والا جال، پھندا- لاوا: 1) واڈھی دی مجُوری، 2) دھان (چاول) پنیری گڈنہار- لاوا: چکمہ، دھوکھا، دغا فریب-

1- ساوا: 1) برابر، اِکو جیہا، سہج (قُدرتی برابری، قُدرتی سانجھ)- 2) ہرا، سبز-