انبر جیہنوں اسیں آہنے آں
فلک اسمان آکاش سکائی1
ناں ہزاراں ہور وی ہوسن
آپ اوہ سُنیائے ہے ای نہیں
ہے بس دِس حدّا
وِت نیتر نال گھٹدا ودھدا
رنگ بدلدا سَتّے
سُنیائے ناں ناویں دی چڑھ پَوڑی
جیہڑے اُپر گئے
نہ ہوئے نوں اوہناں عرش کرایا
ڈاہ کُرسی اوتھے اپنا آپ بہایا
مُڑ ڈھل بُوہے بُوہے
ہیٹھاں ڈھول وجایا
آ گئے جے اسیں اوہدے گھلّے بلّے بلے
کڈھ دھرو جو ہے جے پلّے بلّے بلے
لا پَوڑی مُڑ چڑھ گئے اُپر
کیہ ویکھن
نہ اُتھ آپ نہ کُرسی
‘بس ڈھول کی گُونج بے سُر سی’
-1 سکائی = Sky-