فرید بھنڈار

سُتِیاں لا اَس1 مَن جاگ تیاگ

وارے ورت گئے،

جُگاں جری جو ہانڈھ ورانی2

اوہ وی سُپن سَری،

اُٹھیاں ہو سرگھا3

پھُل چُنگھ جوڑ الاپیا راگ بیراگ،

سہج سبھائیں سہی تھیا

نینہہ ست بھوگ اساڈے بھاگ

اُدھریاں ہتھاں بارھاں سُراں دی رِڑک وری،

نِسر بھیرویں 

اندر رچی تِھندیائی نتاری

کڈھ کے کیتی تیل

دِیوا دینہہ جَگیا

کُل درشن دی لَس نَیناں وِچ آن تَری

1- اس= اساں – 2- ورانی= اوپری، پرائی- 3- سرگھا= 1) شہد دی مکھی، مکھیر، 2) سرگھی ویلا-