کھیال
نِرا بولی بدلن نال ای دُنیا بدل نہیں جاندی
دُنیا اوہا رہے تے بولی بدلی ہوئی وی اوہا ہو جاندی اے
دُنیا بدل ونجے تے بولی جیہڑی وی ہووے اوہ نہیں رہ سکدی جو آہی
دُنیا بدلن جی دا اصلوں بدلن ہے
جی دا جی نال اندروں باہروں اِک تھی ونجن،
اندروں باہروں اِک تھی ونجن جی
جے رزق کماون کھاون اوہناں دا سانجھا ہووے
اندروں باہروں اِک تھی ونجن جی تے بولی ہور ہوندی اے اوہناں دی
سو دُنیا بدلن بولی بدلن اِکو کم اے
کم جھٹ پٹ ہوون والا تے نہیں
پر چھوہیا تے جھٹ پٹ جا سکدا اے آپنے آپ نال ایہہ گل کر کے
ہاں آپنے آپ نال ایہہ گل کرن چ ویلا کُجھ تے لگدا ای اے
ایہہ گل وی ہے تے بولی ای
پر ہے کُجھ بولی ہور جیہی