ساون جدوکا چڑھیائے
گھر ہزاراں گھاہ وِچ اُگھڑ آئے نیں
نِکیاں نِکیاں گار دِیاں چَھلَیئاں نال جوڑ اُسارے
نہ ایہناں نوں بُوہا باری
نہ اندر نہ ویڑھا
ایہہ یادگار مینار نہ ہوون؟
پر مِٹی وِچ وسیندی ایس مخلوق ایہہ گار منارے
چاڑھ زمینوں باہر کیہنوں وکھاونے نیں
متے گاون نہ ہوون ساون دے
مِٹی گنویں
سُن ویکھن جے لوڑن اکھیاں
پَیر سُنن جیہڑے کم ضروری وگ تگ جاندے
ایہناں دے سِر تے آونے نیں