رُت کردی نِت لیکھا
رُت پڑھدی آپ پہاڑے
رُت گِندی پون سوائے
موٹے چھلّڑ اِکو ہتھ بہاردی
رُت ویس پرانے کردی ڈھیریاں
ننگے بندے کڈھ کڈھ پال کھلہاردی
ننگیاں بندیاں اُپروں پانی واردی
جاؤ اج جمیوں
وِس تساڈی گُڑھتی
صدیاں بَدھی پُنی کاؤڑ جیہڑی لہوے نہ کھٹیاں مٹھیاں
جاؤ اج جمیوں
سان ہے رَت تساڈی
رنگ تساڈا رنگ جگت دا ہوسی
ہتھ تساڈے
مُڑ کے لِکھسن لیکھ بندے دے
جس وی آپنی پِیڑ سنجاتی
سَنگ تساڈا ہوسی