نی مدنو
مانا تُساں لا تُوتڑی اُتے
کڑھی پتے دیاں پُھلاں کنوں گِھن کیہ پئیاں کھڑدیاں ہو
اپنی کرت وِچ جوڑن کِیتے،
حکیمی ڈاکٹری دِیاں ڈِگریاں تُساں تے لئیاں کوئی نہ
اُپج تُساڈی کیویں اُپا تن من دے روگ دا ہوئی،
مائی سُندراں نُوں
ترونہہ دِناں توں دند وِچ پِیڑ آہی
ملھماں دوائیاں کھادِیاں لائیاں
دند نہ دند نُوں ٹوہے،
ٹُکر چُھٹیا پیا ہا
دُدھ چاء اُتے گذارا کردی لمی پئی آہی،
اج ویکھاں تے بیٹھی روٹی پئی کھاوے
پچُھیئم کیویں ہوئی
”مَسّی مالن چمچی ماکھی دِتا میں ملیا خیر تھئی“،
مَسّی مالن دسدی اے مینوں
دان پُھلاں دے مدن ایہناں نُوں کیتا،
دان مدن ہُن ست ہے جنِیاں کھنِیاں دا
سانجھے مانے وسن وساون
انت جیہناں ہے نِیتا
مدناں = شہد دِیاں مکِھیاں - مانا= مکِھیاں دا چھتہ- انت= پروگرام، منصُوبہ، متا، پلَین-