کلّی کھلی نیائیں
اوہ ہولی ہولی اپنے آپ نال گل کریندی کُوکی
“ماپے کویلے چائیو
کویلے جَنا کھڑیا
پُتر جوان تریوے
ہُن چھت نہ چِھتّر
توا نہ تھالی
منگن شریکے ٹورن لگائیں؟
کلّا نہ ہوویں ہا
تاں سِجھ لواں ہا تینوں”
اِکدم جھڑ بنیا
واء تیز
ترکھیاں کنیاں
چَنڈاں گڑے
دھکے دَھول ہنیری
رُکھ اُکھڑ گئے
اوہ جاء توں کَھلی نہ ہَلّی
کپّر جیویں آیا تیویں گیا-
ٹُری تاں جاپے
اکھیاں نوں نہیں کوئی ٹوک
ہتھاں نوں کوئی روک نہیں