فرید بھنڈار

''چھڈو،

ہور کِتے ہُن جُلیئے1''،

''سجنو، کیہ چھڈنا تے جُلنا کِتھائیں،

پئیاں اندر سیل2 کریندیاں نیں

جُوہاں 3 اَننتاں 4،

لنگھدی واء

اگِنتاں چھوہاں 5 لُوں لُوں وِچ پئی لاہوندی اے،

ڈلھک6 ڈلھک کیہ کِتھے کِتھے چِھنکیندا7 اے چِت8 اچیتِیں 9

ایہہ لیکھا کون کرے

کر کے وی کیہ لینا،

پر ہووے، پتر ہووے

1- جُلیئے= چلّیئے- 2- سیل= سیر- 3- جُوہ= علاقہ- 4- اننت= جیہدی حد کوئی نہیں -

5- چھوہ= نال لگن، ٹَچ، چُھوت، نیڑ- 6- ڈلھکن= 1) ترپن، ٹپکن، 2) لِشکن-

7- چِھنکیندا= چِھنکدا، چِھڑکدا- 8- چِت= من، دِل، دماغ-

9- اچیتِیں = 1) بے دھیانے، 2) اچیتوں (وِسری سُرت وِچوں)-

ہر جی اندر واند1 اتھاہ2 ہے

جگدی3 اے تک سیرِیں 4''

1- واند= لُگ، کُھل، ویہل، اَمَلّ وِتھ- 2- اتھاہ= جیہدی تہہ کوئی نہیں (تھاہ= تہہ، اخیر)-

3- جگدی= 1) روشن تِھیندی، 2) جاگدی- 4- تک سیرِیں = سِیر دی تک نال-

(سِیر= سانجھ- تک= 1) نظر، 2) آس)-