''واء لہور دی سُنیا اے ہو گئی اے ہُن زہر قہر''
''آہو جی
ہُن دِلّی دا ایہہ نمبر دو ہویا،
اندر بہو تے ساہ صندوق چوں لؤ
نِکلے باہر تے ہوئے بیمار سمجھو،''
''آہو جی
نمبر ایہناں دے رہنے نیں اِک دو ای
اکبر آیا لہور نمبر اِک ہویا
شاہ جہان آیا دِلی اِک ہوئی،
آئے انگریز گئے
ہیٹھ اُپر ایہہ دوئے ایویں پئے ہوئے''
''دُھوں دُھند دُھوانکھ تے کار دی اے''
''نہیں کار دی نہیں اسوار دی اے،
جمع جِتدی اے جو سو ہاردی اے
ہو تفریق نِت وِچ بزار سمجھو''