پچُھ تے نِت ایہہ پھیرے پاوندی اے
لِکھیا واہیا اساڈا ایہہ سبھ کِس کاری
کیہ ایس کھوہنا اے ورتن دا
سوچیا پچُھیئے کرنی بھرنی نوں،
جی کرے جدوں آ گھڑی بہہ جاندی اے
نانی سُنیائے کوٹھے لاہوندی آہی
ماں گھراں دے کم رہی کردی
ایہہ وی نال ای نکی ہوندی
وڈی ہوئی تے کئیں کسب سِکھے
ٹھپہ ٹھیکہ گوٹا کناری،
بھانڈے گھڑے،
ہو پاہی گاہن گاہے،
ناں کِسے نوں نہیں پتہ
کرنی بھرنی چھیڑ پئی، ہُن پچُھے کوئی تے آپ وی ایہا ای دسدی اے،
آئی تے گل اساں ٹوری
سَرل نرول کر اپنا تُوں تت سمجھاویں نا سانوں ہِک واری
اندر باہر جری وری دا درس دکھاویں
جَھول جُھلاوے کَھیہڑا اساڈا چھوڑ ونجن،
آہندی اے:
بھول سہیلڑیو
چِتر چِتارن ہی تے سرن سارَن ہے ساڈا
کَتھ دی ستھ وچ رلن ہی ست ہے
تن من مینڈا حرف تُساڈے
جوڑو جو سو ہو ویکھو مینوں سہج سبھا