فرید بھنڈار

ہتھّل وان، ترنگ تران

مَوج دا لڑ پھڑ مَوج نِرِتدی آؤندی اے،

چَھٹّے شُرتیاں دے

سُکیاں سنگھاں وِچ لاؤندی اے،

نِستردیاں نیں اَن سُنیاں ہو

سُنیاں بہاراں ملہاراں،

ہو الکھ پرتاوے رُتّاں

گُھنڈ مُونہاں توں لاہوندِیاں نیں

ہتھّل= ہِین، کمیر میل-  وان= طرز گاون دی، دُھن-  ترنگ= لہر-  تران= زور، بل، طاقت- نِرَتَدی= نچدی-  شُرتیاں = سُراں دے گھنے مہِین رنگ-  نِستردیاں = اُدھردیاں، آزاد ہوندیاں - الکھ= 1) جیہناں دے ظاہرا نشان کوئی نہیں، 2) قدرت-  پرتاوے= جمع پرتاوا (پرتاوا= 1) وٹاء، تبدیلی، اُلٹاء، 2) پرکھ، ازمائش، تجربہ، ایکسپیریمنٹ، 3) جواب، ولدا)-