رل سُگندھیں کیہڑی ڈَھکّی چڑھ ڈَھلدِیاں نیں،
پتری کھٹڑی دی
لنگھدیاں اُنگلی انگوٹھے نال نپِیڑی میں سُوہ گِھنن لئی،
تُلسی دے سِریں چُھہائی،
وت جا گُلابو دے نک نال لائی،
سُنگھاں انگوٹھا
سنگھاں اُنگلی
اِک دُوجے ول سینتر کرن،
ہے ایہہ سنبھوگ اساڈا
وکھ وکھ کیہ دَسیئے،
جوڑ جاں چُونڈھی سُنگِھیئم
نِرتن1 لگ پئیاں
رل تریوے سُگندھاں،
پچُھیئم ناں ہُن کیہڑا بُلاواں؟
آکھن آ رل سمّی تھی
1- نِرتن= نچن-