فرید بھنڈار

آپنیاں انجان ہتھاں نوں

آؤ اپنے آپ کنوں آزاد کرایئے

ایہہ کھوہی لگے آوندے نیں رزق بے آساں دا

جیہناں جَگ رجایا ہے-

آپنیاں انجان پیراں نوں

آؤ اپنے آپ کنوں آزاد کرایئے

ایہہ گھر بے گھراں دے ڈھان ٹُرے نِت رہندے نیں

جیہناں شہر وسایا ہے-

اکھاں آپنیاں انجاناں ویکھی آوندیاں نیں

جو ورھے ہزاراں تھئے نیں مُڑ مُڑ ہووے پیا

آؤ ایہناں نوں اوہ وکھایئے ہور جو ویکھن جوگا ہے-

کَنّاں آپنیاں انجاناں نوں

آؤ سنایئے واجاں چُپ کرائیاں جو اُچیاں ہوندیاں نیں-

ہتھاں پیراں نوں کرن ٹُرن دا

اکھاں کَنّاں نوں ویکھن سُنن دا

کدے نہ چکھیا سُکھ اِکوار چکھایئے، آؤ-