نویاں پَتراں دے
آؤ رنگ منائیے
نویاں پَتراں دے
وارے وارے جائیے
نویاں پَتراں دی لِشک سنیہا
لِشک چوں سِمدا سیک سنیہا
سیک دلے دے اندر دھرئیے
لِشک اکھیں نال لائیے- رنگ منائیے
نویاں پَتراں دے وارے وارے جائیے
چڑھیا مانگھ وساکھ وی آوسی
دُھکھدی رہی تاں مَچ وی پوسی
پولے پَیریں آوندیاں اگے
دم دم تیل چوائیے رنگ منائیے
نویاں پَتراں دے وارے وارے جائیے
مَر مَر نت جیہڑے نویں نہ ہوئے
اوہ تاں رہسن جیوندے موئے
سُوہے ساوے نکلن تاہیوں
ہنڈھ گئے جد لاہیئے رنگ منائیے
نویاں پَتراں دے وارے وارے جائیے