جو اُروار ہے سوئی پار ہے
جیہڑا ساہ ہے اندر اوہا باہر ہے
رُکھ باہر ہو اندروں بُوہا کھڑکیندے نیں
ساڈے ساہ بہے دا ٹُکر کھا سانوں ساہ سجرا کر دیندے نیں
لوڑ ہے ٹُکر پانی لِیڑا
پتھر اندر لوڑ ہے کِیڑا
لوڑ گھال تے گھال ساتھ بن ویندی اے
ہاتھ1 ساتھ دی سار ہے
سار جو ہے انکار گھال دا
ساتھوں غیر ہو غیری راس بنن توں
مال بنا بن مال مرن توں
ہاں اوہا انکار جو الف اِکائی اے
جو انہد ناد کھیال ہے اکھر چِتر چِتار اچنبھا
جو بے ہو بندے دی کرنی وِچ خُدائی اے
1 - ہاتھ= تھلّا، تہہ، گہرائی، انت