بانہیں نہیں
ایہہ پَٹ نیں اساں رُکھاں دے
سِر بھوئیں پیر نیں دُھر اسمان
مُڈھوں اساں ججمان نشان اُتَھل دے ہاں
ایہناں پٹاں وِچوں پروار کِھڑے
چھائے سِر سنسار
وِچ بَھگ1 دو بِھت2 بھیت سہج
پُھل تِھیوے پَھل جائے
تن من تھئے واشنا
پَتر پَتر نِت بھوگ سبھوگ نہائے
بھگت بھاگ بھگوان
ونڈ کھاون کھنڈ کھان
رہرِیت ایہہ دان اساڈا
دِین3 ہِین4 دا دھرم کرم ایہہ مان
تِھیون سُکھ سومے
لیکھے لیکھ دُکھاں دے