اُسری سرہوں اج سجری
تَلیاں چُم ہِک بئی نُوں آکھن
آؤ نی اڑِیو
پائیے گِردھا،
گھڑی آن اپڑی جے
سرس ہوون دا اندر انند پیا سردا اے،
لِیکاں پُرانیاں قِسمت تسبِیاں
ہوئیاں نیں سِیاں ہلاں دی گھال سنبھال دِیاں،
کِھڑت بسنتی وِچوں سُگندھ پئی جھاتے
مِلت نویلی دی،
تکادے باندھاں دے
ہو ورانے کلری اوہل کِتے بھالن نِکل گئے نیں
گِردھا= گِدّھا- سرس= تازہ- سِیاں = 1) پَیلی وِچ پہلا ہَل پِھرن نال نِکلیاں لکیراں،2) حداں - مِلت= مِلن، ملاپ- کِھڑت= کِھڑن دی حالت، کھیڑ- تکادے= تقاضے، منگاں، ڈیمانڈز- ورانے= اوپرے، اوبھڑ، بیگانے، ایلِیئن-