پیر سانوں ویکھن دے
تینڈے پیر کھِمن اسمانیں نظر تھیں رہن اگونہے
کتے جھُلن انھیر سویریں نقش اُلیکن سُوہے
پیر سانوں ویکھن دے
ساڈے تن وچ وسدی رات پیر تینڈے دھوندی آوے
تیریاں پیراں دا چانن پانی اساں کولوں لنگھ لنگھ جاوے
پیر سانوں ویکھن دے
ساڈے تن دی رات نوں تینڈے مچ سورج دا گھیرا
ساڈی ڈھول دِلے دی دھڑکن شور دھمالیں تیرا
ہووے نینہ دی کُڑتن سنگھنی
پیر سانوں ویکھن دے
ہووے گُوڑھی سرڑ دی رنگنی
پیر سانوں ویکھن دے