عام دِناں دے ناں نہیں ہوندے
اخباراں وِچ خاص دِناں دے جیون مرن تے
دیگاں تمبواں دا آہر کریندیاں
تواریخ وِچ
خاص دِناں دیاں محل مزاراں جوگے پتھر گھڑیندیاں
کلنڈراں تُوں عام دِناں دے نمبر کِردے رہندے نیں
ورھیاں دِیاں سِیکھاں دے پِچھے
عام دِناں دِیاں ڈَھٹھیاں ڈھانیاں
نیلے پیر تے ہتھ مُونہہ کالے
ایس آس تے جیوندیاں لگیاں آئیاں نیں
جے ساڈی بھن گھڑ چوں
اوہ رات کدیں جُڑ آوے
ورھیاں دِیاں سِیکھاں تُوں پار کھلو کے جیہڑی
ساڈے ناں بُلاوے