وڈیاں گھراں نوں سوئیاں1ہٹیاں
ہٹیاں نوں سُوئے گھر نیں
ہولی بولو
کندھ پئی میک اپ کر دی جے:
جہاد کرو جیسا کہ حق ہے۔
پلاٹ کنال چھ مرلہ بارہ مرلہ
شرطیہ میٹرک ایک سال میں دو سال میں بی اے
خونی بواسیر نامردی
موت کے بعد کا منظر
بازی جت لئی -شرطیہ نیا پرنٹ
دبئی دا-مولا جٹ ان لنڈن-ویزا
جہاد جہاد جیسا کہ حق ہے
پلاٹ پلاٹ وہ آگے موڑ پر
ہولی بولو
اوہ جی کدے کتاباں وِکدیاںسن
ہاشم باہو بُلھے شاہ
باوا فرید علی حیدر
ساڈا تھوک دا کم سی
دور دراڈیاں پنڈاں توں
لوکیں بوریاں بھر بھر کھڑدے سن
پھیر مادا پرستی پے گئی
سیونک ساڈے نویں ایڈیشن لے گئی
باراں ورہے اسیں سیبا لایا
ہن جیہدر ویکھو کپڑا ای کپڑائے
اللہ میاں دی رحمت،رسّی ریشم ہو گئی جے
ایہہ نہیں سانوں پُجدائے
سبھ نوں پُجدائے پاکستان چ کیہڑا بھُکھائے
اینویں گلاں بغیرت وادھا
ہولی بولو
بدامو۔دُدھ نہیں پیندی
باہر دا ڈب کھڑبا دَلا دُدھ پین نوں آ وڑدائے
اج میں نبڑنائے۔
کندھاں اوہلے کھڑے نیں کھمبے
ہولی بولو
ہر کھمبے دے کن نیں
کناں نوں کھمب نیں۔
سکور کیہ ہویا ئے
مُنڈے مارن ای مارن اللہ چاہے تے
اینویں کھمب دی ڈار بناوندےنیں لوکیں
ہولی بولو۔