''لؤ، ایتھوں پہاڑیاں ٹُردیاں جے
ایہناں ہُن رُکنا تے کوئی نہیں
چڑھ کُچھڑاں وِچ یاراں دیاں سگوں بہنا نیں
وت بُھڑک کندھاڑیاں اوہناں دیاں تے
ہور اگیرے ونج ایہناں
ننگ برفاں دا مڑھ انگاں تے لینا اے،
آیا نہال
تے تھوڑا تھوڑا پگھار ہیٹھاں گھلنا اے،
' چَھک لؤ
جِنا لوڑیدا اے جیون لئی
رہندا اے اوہناں دا
جیہناں جہان چلاونا اے'،
ایہہ کہانی نہیں جُغرافیہ جے
پڑھ ساتھوں جیہڑا تُساں پڑھاونا اے
اوہناں نُوں
اگوں جیہناں شاہ جہان ہو آونا اے''