جھاس اکھراں دی
کَر پیراں دِیاں تلیاں دم دم لوڑدِیاں،
اکھر آہر ہوئے
رِزق اُپاون دا،
اکھر وار1 ہوئے
اوسے رِزق نُوں مَل توبرے کر کر گل وِچ پاون دی،
کھوہ کَھس دی کَھیہہ کھہیڑ نوں
بُھن پکا کے رَت بنا کے ناڑو ناڑ وگاون دی،
جھاس اکھراں دی
کر پیراں دِیاں تلیاں دم دم لوڑدِیاں،
اکھر سار ہوئے
اوس مام دی
جیہڑی جُگو جُگ مَل توبرے کھول
کر کر رِزم رِزم
بی سانجھ دا بھوئیں پوردی
نینہہ گیڑ ویلے سِر پانی لاؤندی آئی اے
1- وار= تاریخ، ہِسٹری-