میچا دیو کِسے کاریگر نوں اِچھرے مُزنگِیں
مرضی دا بُوٹ بنوا لؤ
مرضی دا تَلہ لوا لؤ
کسبی پُچھ کے اوتھوں ای رنگ پھرواؤ پسند اپنی دا،
سانوں دیو لیا شاہ عالمی،
ٹَھپّہ
چِین جپان فرانس امریکہ
تھائی لینڈ دا
لگا لگایا سمجھو،
تھڑا کرائے دا لے کے بہہ جاؤ
پنجاں ستاں ورھیاں وِچ ای اوتھے مال پوا لؤ،
مُنڈے پڑھاؤ جیہڑی مرضی یونیورسٹی
ییل ہارورڈ اَوکسفرڈ
جیہڑی فیملی چاہو کُڑیاں وِیاہو
مرضی دا پِچھا اگّا کرا لؤ