فرید بھنڈار

”کِتھاں اے پریم نگر

لہندے1 چڑھدے2، اُبھے3 کہ لمّے4“

”جیہناں درشن کیتے نیں اوہدے

اوہا ای دساون“،

”درشن تے اساں نہیں کیتے پر……“

”ہاں ہاں کیہ پر؟“

”جی وِچ رہندی اے اُتھاں وسن دی تک5،

انت6 اپنا تے ایہو سہی تِھیندا اے،

اساں اس تک توں

مُکھ7 جدن وی پھیریا اے

بھاویں پَل چِھن لئی

سانوں بھرم8 جلُوساں آن گھیریا اے“

1- لہندا: مغرب- 2- چڑھدا: مشرق- 3- اُبھا: شمال- 4- لمّا: جنوب- 5- تک: 1) خواہش، 2) اُڈیک، انتظار- 6- انت: ایجنڈا، ٹِیچا- 7- مُکھ: مُونہہ- 8- بھرم: 1) وہم، 2) جُھوٹھ-