فرید بھنڈار

کندھوں اوہلے ٹرک پِیلا آن کھلوتا اے

ساہمنی کوٹھی اگے

لاکھا گبھرُو وِچ اے

چِٹ مِٹ پٹکا سِر وَلیا

سُتّھن لنگ لنگوٹ تیڑ دی

دِسدی کوئی نہیں،

سُکے ٹاہن رُکھاں دے

پکھے پاماں دے

ہیٹھوں اوہنوں کوئی پھڑائی آوندا اے،

وِچ بوری جھڑ پتراں دی

کُوڑ کباڑ دی وی

لاکھا گبھرُو چھنڈ پرتائی آوندا اے،

دِسدی تے لاکھی جنگل مواس1 دے واسی دی

1- مواس= جنگل وِچ نابراں دے لُکن دی تھاں -

بس ٹی شرٹ اے ساوی

پِچھے چِٹا ''سیفٹی'' انگریزی چھپیا

''رَکھ'' اُلتھا کر اوہنوں کوئی دَسے

1- رکھ= 1) حفاظت، سانبھ سنبھال، 2) اوہ جنگل جو سرکاری پربندھ وِچ اے-