''کسّو تہمتی
کر کے لنگوٹا''
''کیہدے نال سانُوں گُھلاوُ او،
آپ تماشہ ویکھن واتے
گل پاوُ او ساڈے ہور پُواڑا،
اگے ای اپنے شہر وِچ
اوپرا جی کر ویکھدیاں اکھیاں دی کَھیہہ
سانُوں ٹُکدی اے پئی''
''نار لفظ نُوں نر کر کے
اسیں جان بولی وِچ پاونے آں''
''بولی وی نار ای ہوئی
سو ناراں بے جان ای ہوندیاں نیں؟''
''نہیں،
ہوندی تے ہے جان
پر اوہناں دے اپنے ہتھ نہیں نا ہوندی''
''ساڈیاں تُہاڈیاں اکھیاں وی تے ناراں ای نیں
تن من دے وِچ جان ایہا ای پاوندیاں نیں''