فرید بھنڈار

دِل گُردے سِر کالجے

پُٹھ راناں تے سِینے

ہفتو ہفت دُکانیں تُل گئے،

کھلاں سہیڑ جماتاں ٹھانے مسِیت گِھدے

ٹُھڈ بُوٹ گُرگ آبیاں 1 واہنے پیر مِدھے،

ول ننگ شمساں 2 سنگ ڈُھکیا سُرجن

انگ سمیاں 3 دے اگن ہوئے

ہَول حویلے کوٹ گُبارے اغیارے سُلطاناں دے

تھئے فریدی خاک4

پنچم5 بُوہے کُھل گئے مُلتاناں دے

1- گُرگ آبیاں = گُرگابیاں، جُتیاں دی اِک قِسم (گُرگ= بھگیاڑ- آبی= پانی دا)-

2- شمساں (جمع) شمس= 1) شمس سبزواری (ویکھو ''ملتان دی وار'')، 2) سُورج- -3 سمیاں =ویلیاں-

4- فریدا خاک نہ نِندئیے خاکو جیڈ نہ کوء

جیوندیاں پیراں تلے موئیاں اُپر ہوء

(بابا فرید)

5- پنچم= 1) پنجویں، 2) ماڑے مسکین جی- چار بُوہے ملتان شہر دے پنجواں بند سُنیدا (ویکھو ''ملتان شہر دی وار'')-