سجن سخی کوئی نویں خبر دے
اِکو خبر دُھروں لِکھی بیانی
گُپت موریا زار فرعونی سائے
روم ایرانی شام یونانی
غزن تیموری خلف عباسی
پُرتگیز انگریز فرانسی
چین چنگیز بن چھائے
راہی واہی تیری میری
کپ سہیڑ کر سونا رُپّا
بھرے خزانے اپر سپ بہائے
گھڑ کلمے ٹکسال چلائے
ٹھپ شاہی مُڑ ہوئے شاہُو
کر خلقت نوں دِین1
دیال اکھوائے
سجن سخی کوئی نویں خبر دے
اِکو خبر سدا نویں پُرانی
رہن نوں تھاں نہیں
کہن نوں تھاں نہیں
گُھرن دِلو دِل مارُو صبر دے
سَرپر دھرت ہلانی
راہی واہی تیری میری
لہہ دَر کُل دے
ساہ ست مُڑ ہو جانی
1- دِین: 1) کنگال، 2) مذہب، دھرم-