فرید بھنڈار

رات ہنیری آئی

سرگھی ٹُر گئی اے

رُوں کِتھاؤں چا کِھنڈایوس چار چوپھیرے،

ہر ہر تُونبے وِچ وڑیواں،

پر کپاہ دی فصل تے اجے گڈِیونی اے،

پھُٹّی دی اجے بہار نہیں،

سِمبل کندھوں پار کَھلا پیا جھاتے،

واء ہتھ دھر مُسکار

گھلِیوس سمجھوتی:

''وے اڑیا، ایہہ مِینہہ مینڈا ای،

کن اپنے ولھیٹ پریم دِیاں چُمکنِیاں 1 وِچ

تن پرِتھمی تے لاہے نی''

''پر تُوں تے نَر ہیں یار''

''میں ای نار وی ہاں،

لاء لَو2 سَرے تینوں ایہہ سار''

1- چُمکنیاں = چُمن ہار کنیاں (کنِیاں جیہناں وِچ چُمیاں بھریاں ہوئیاں نیں)-

2- لَو= لگن، عشق-