ہر کوئی آکھے جَگ دُکھی اے
دُکھ وکھ کردا اے
وکھ ہو رہن ویہار جو ہویا
ہر کوئی آکھے رَلن کِسے دے وس نہیں، کوئی ول نہیں
کُل جہان بِمار جو ہویا
پچُھن کِسے دا کیوں نہیں بندا کیہ اے سُول بِمار دا
پچُھو تاں نِترے، گُجھی گل نہیں
مَل ہے مُول ویہار دا
مَل تگڑے دی جو ماڑے دی کرنی اے
مَل ماڑے دی جو تگڑے کڈھ دھرنی اے
پچُھو تاں نِترے اوہا سُکھی اے
سانجھ ویہار لئی آہر جیہنے وی کرنا اے
ہر دم جیون لئی
ہر دم جیہنے مرنا اے