عجب جیہا اج وٹ اے
لگدا اے
کِتے اوہلے اوکھی بنی پئی اے بدلاں تے
جُڑ ٹُر پینا
موت برابر ہویائے کُھنجیاں ترُٹیاں نوں
واء دھک کے اِک کرن دا ٹِل پئی لاوندی اے گُھٹیاں وٹیاں نوں
نالے آہندی اے
جد کنی نے چھوہ کنی دی مانی
رَل رَسنے دی موج اندر جد جاگ پئی
جُڑ تُساں چڑھنا اے
مُڑ کوئی روک نہیں جرنی
ترُٹ کے ورھنا اے
ویہن جیہڑے تھل تھی گئے اُچھل پینے نیں
سُکدِیاں چھپڑِیاں
مان سَروور ہو ونجنائے
دھرتی نے کُکھ وچ سمندر کرنا اے
پھیر سمندر اندروں نویں جی جمنے نیں
جیہناں جُڑ کے گھٹائیں ہوون لئی
نہیں ہُم نوں حکومت دینی
جیہناں ورھ دریا تھیون لئی گُھٹ وَٹ مرنا نہیں