لنگھیا اِک دِن کولوں تے آہندا اے
''مینوں سیاندِیاں ای نہیں تُسیں،
آکھیا اساں
تُوں تے سَیں آس اساڈی
اُدھرن دی
مِلکھی منساں دی ان مُکنی جکڑ کنوں،
تُوں تیاری موکھ دی رُجھیا
جاچدا اوہناں دے ہتھکنڈے
سہج سبھا ای ہو گیوں کاٹھی اوہناں دے سردار دی
''لئی تے میں اوہنوں پِھریاں
دھگان اوہدے دا بن کے وسیلہ دیسو دیس
پر بھُلیا نہیں مینوں مُدّا اپنا،
دِھیان کرو نا
پُوچھ مینڈی دا پِھرن دما دم
مَل ورتارے دا اِنکار نہیں؟''
ہسِیاں اساں
''ساڈے لئی تے پُوچھ دا پِھرنا
اِقرار ہے موکھ لئی جُھوجھ کرن دا
چَھنڈ کاٹِھیاں جھاڑ دولَتِّیاں نِکل آئِیاں ساں
ساہ سُکھ اَمَل دا
جَھل وِچ پئیاں سُرکنِیاں’''