فرید بھنڈار

مشہُوری سُندے او

''اساں چنگ مند تے مہنگ سَست اِک کر دِتے''،

پچُھو اج ہوئے نیں؟

جُگو جُگ تِھیندے نہیں آئے؟

چَنگ مَہنگ نال

مَند سَست نال

حق نکاح کے

راجے راج چلیندے نہیں آئے؟

مَنڈ مندر مسِیتیں مَنڈیاں

کھرکھوٹ اِک سیج سُوال1

گربھ درب کریندے نہیں آئے؟

پوٹے2 ٹوہ وِچ جھولی محرمی

بُدھ3 بِدّ4 تے وِدّ5 وست6

اِک ہو کدوں نہیں بولی؟

1- سُوال= سُوا کے- 2- پوٹے ٹوہن= منڈی وِچ وپاریاں دا سودے بازی دا ڈھنگ-

3- بُدھ= عقل، سمجھ- 4- بِد= 1) شرط، 2) داء، 3) تھیلی، گٹھڑی (قیمتی چیزاں دی)-

5- وِد= وِدیا، عِلم- 6- وست= چیز، وِکاؤ چیز-