پیر اگلے اِٹاں دی دوئے ڈھیری
پِچھلے بھوئیں تے دوئے
پیا پکِھیاں کناں دِیاں جَھلدائے یاداں آئیاں نوں،
پَٹھے پائے نیں اساں
نہیں کھاندا
وڈے میئیں ہورِیں اُتوں آئے نیں
گارڈ اپنی فرم دا نال اے
اوہ آہندائے ‘‘پِچھوں قصائی آں اسیں
ایہناں چُھٹیاں چ کم کر لئی دائے جدّی تبّرک دا
ایہو اساڈا حج اے’’،
وڈے میئیں ہورِیں ہس پئے نیں:
‘‘قوالی سُن تیری
ویکھ اوہنوں حال پیا ای
ہویوں تُوں نیڑے
اوہنے مارنائے اناالحق نعرہ
پُٹھی کھل لُہا گل پا جانی او تیرے’’
اوہ آہندائے:
‘‘کوئی شک نہیں میاں جی
گولی کریڈٹ کارڈ نہیں گارڈ ای کھاندائے’’